काठमाडौंका छुट्टा छुट्टै ठाँउमा तीन जना मृत फेला

३ असार ०७९, काठमाडौं । काठमाडौंका विभिन्न ठाँउमा ३ जना मृत अवस्थामा फेला परेका छन् ।
प्रहरीका अनुसार काठमाडौं तारकेश्वर नगरपालिका ११ नेपालटार हिलेटोल बस्ने मोरङ घर भएका २७ वर्षीय असन पुरी आफ्नै कोठामा बिहीबार मृत अवस्थामा फेला परेका छन् ।
त्यस्तै काठमाडौं महानगरपालिका ३२ मनोहरा करिडोर खोलाको छेउमा सिन्धुपाल्चोक बाह्रविशे नगरपालिका ९ घर भई हाल काठमाडौं महानगरपालिका ३२ सनराईज चोक बस्ने ६० वर्षीय गोबिन्द बहादुर थापा बुधबार मृत अवस्थामा फेला परेका छन् ।
साथै तारकेश्वर नगरपालिका ९ मनमैजु बासुकीनाग टोलस्थित टहरोमा हाल नाम, थर, वतन नखुलेका करिब ५५ वर्षीय पुरुष बिहीबार मृत अवस्थामा फेला परेका छन् । घटनाहरुका सम्बन्धमा प्रहरीले अनुसन्धान गरिरहेको जानकारी दिएको छ ।