नेपालटार र पाँचखालमा एक एक जना मृत अवस्थामा फेला

११ असार ०७९, काठमाडौं । काठमाडौंको नेपालटार र काभ्रेको पाँचखालमा एक एक जना मृत अवस्थामा फेला परेका छन् ।
प्रहरीका अनुसार काठमाडौंको तारकेश्वर नगरपालिका ११ नेपालटार बस्ने सुर्खेत घर भएकी ३५ वर्षीया दिलमाया बिश्वकर्मा आफ्नै कोठामा शनिबार मृत अवस्थामा फेला परेकी छिन् ।
काभ्रे पाँचखाल नगरपालिका २ स्थित मकैबारीमा सिन्धुपाल्चोक सुनकोशी गाउँपालिका ७ घर भई हाल पाँचखालमा डेरा गरी ज्यामी काम गरी बस्ने २० वर्षीय सरोज नेपाली शुक्रबार मृत अवस्थामा फेला परेका छन् ।
घटनाहरुका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।