काठमाडौं नक्साल नागपोखरीको श्री सन्तोषी माताको मन्दिरबाट गहना र चन्दा बाकसको नगद चोरी

२३ असार ०७९, काठमाडौं । काठमाडौं नागपोखरीको एक मन्दिरबाट गरगहना र चन्दा बाकसबाट नगद चोरी भएको छ ।
प्रहरीका अनुसार काठमाडौं महानगरपालिका १ नक्साल नागपोखरीस्थित श्री सन्तोषी माताको मन्दिरबाट सुनको हार १ थान, सुनको तिलहरी ५ थान, चाँदीको मुकुट १ थान, चाँदीको कम्मरमा लगाउने पेटी १ थान, चाँदीको विभिन्न गरगहना र चन्दा बाकसमा रहेको नगद करिब ५० हजार रुपैयाँ गरी करिब १२ लाख रूपैयाँ बराबरको धनमाल गएराति चोरी भएको छ ।
चोरीमा संलग्न हाल फरार रहेका व्यक्तिहरुको प्रहरीले खोजी गर्नुका साथै घटनाका सम्बन्धमा आवश्यक अनुसन्धान गरिरहेको प्रहरीको भनाई छ ।