ठेचोको १२ वर्षे जात्राका लागि गोदावरी नगरले दियो ५० लाख रुपैयाँ

३२ असार ०७९, ललितपुर । ललितपुरको ठेचोमा हरेक १२ बर्षमा मनाइने नवदुर्गा भवानी देवि नाचको १२ वर्षे जात्राका लागि गोदावरी नगरपालिकाले ५० लाख दिएको गरेको छ ।
शनिबार आयोजित एक कार्यक्रममा नगरपालिकाका मेयर गजेन्द्र महर्जनले मेला व्यवस्थापन समितीलाई चेक हस्तान्तरण गरे ।
नवदुर्गा नाच बाङ्य कमिटी अध्यक्ष प्रशान्त मालीले गोदावरी नगरपालिकाले उपलव्ध गराएको रकमले १२ वर्षे मेला सञ्चालन गर्न सmिभलो भएको बताए । उनले भने,‘हाम्रो न्युनतम आकलन अनुसार अझैं २६ लाख पुग्दैन । सहयोग जुटाउने कोसिस गर्दैछौं ।’
नगरपालिकाका मेयर महर्जनले जात्रामा आउने आगन्तुकलाई सत्कार गर्न र गाँउ सफा सुग्घर राख्न आग्रह गरे ।
नगरपालिकाको १२नम्बरका वडाध्यक्ष जगतबहादुर महर्जनले विभिन्न कमिटी बनाएर जात्राको तयारीमा लाग्न अनुरोध गरे ।
यही साउन १० गतेदेखि सुरु हुने जात्रा आउँदो फागुनसम्म सञ्चालन हुने कार्यक्रममा जानकारी दिइएको थियो । जात्रा अवधिभर २८ वटा पुजा हुनेछन् भने ठेचो र सुनाकोठीबासीका लागि भोज खुवाइदैछ ।