ललितपुर सिद्धिपुरमा एक महिला मृत फेला

६ साउन ०७९, काठमाडौं । ललितपुर सिद्धिपुरमा एक महिला मृत अवस्थामा फेला परेकी छिन् ।
प्रहरीका अनुसार ललितपुर महालक्ष्मी नगरपालिका ६ लुभु सिद्धिपुर बस्ने ७७ वर्षीया मनदेवी महर्जन आफ्नै कोठाभित्र बुधबार मृत अवस्थामा फेला परेकी छिन् ।
काठमाडौं बुढानिलकण्ठ नगरपालिका ३ बुढानिलकण्ठ मन्दिर नजिकै सडक पेटीमा सोही मन्दिर परिसरमा बिगत केही महिना अगाडिदेखि बस्दै आएका ३७ वर्षीय सम्राट नगरकोटी बिहीबार मृत अवस्थामा फेला परेका छन् ।
घटनाहरुका सम्बन्धमा प्रहरीले आश्यक अनुसन्धान गरिरहेको जानकारी दिएको छ ।