ठेचोको बाह्र बर्षे जात्रामा नियम लागू भएपछि (तस्विरहरु)

१५ साउन ०७९, ललितपुर । हरेक बाह्र बर्षमा धुमधामसँग मनाउदै आएको नवदुर्गा भवानीको जात्रा सुरु भएसँगै नवदुर्गा भवानी गुठीले विभिन्न नियम जारी गरेको छ । ललितपुरको ठेचोमा नियम लागू भएपछि स्थानीयबासी संयमित रहेको पाइएको छ ।

परम्परा र संस्कृती अनुसार ठेचो बस्तीेमा साँझ परेपछि लगभग शुन्यता छाँउछ । हरेक रात कोही पनि हिडडुल नगर्न भनिएको छ । घण्टी बाजा बजाउन नहुने नियमपछि मन्दिरका घण्टहरु उल्टो बनाएर बाँधिएको छ । बस्तीभर फ्लेक्स र सूचना टाँगिएको छ । खुट्टा झुण्डाएर बस्न नपाउने नियमका कारण यहाँ पाटीमा खासै धेरै मान्छे भेटिदैनन । बसेका मान्छेहरु पनि नियम पालना गरेर बसेका छन् ।

नवदुर्गा मन्दिर र श्वेतभैरव मन्दिरको मुल ढोकामा भोटेताल्चा लगाइएको छ ।