टोखामा स्कुटर र मोटरसाइकल ठोक्किँदा युवतीको मृत्यु

१५ साउन ०७९, काठमाडौं । काठमाडौंको टोखा नगरपालिका–३ ग्राण्डी पछाडिको सडकमा आज  भएको सवारी दुर्घटनामा एक जनाको मृत्यु भएको छ ।

बागमती प्रदेश ०२ ०२९ प १०९८ नम्बरको स्कुटर र बा ९६ प २४४५ नम्बरको मोटरसाइकल आज बिहान ११ बजे ठोक्किएका थिए । दुर्घटनामा स्कुटर चालकको मृत्यु भएको प्रहरीले जनाएको छ ।

दुर्घटनामा गम्भिर घाइते भएकी स्कुटर चालक काठमाडौं तारकेश्वर नगरपालिका–९ बस्ने १९ वर्षकी रोजिना महर्जनको उपचारको क्रममा ग्राण्डी अस्पतालमा मृत्यु भएको हो ।

घाइते भएका मोटरसाइकल चालक टोखा नगरपालिका ३ का २८ वर्षीय समिर श्रेष्ठको सोही अस्पतालमै उपचार भइरहेको छ ।