मेयर चिरिवावुले ट्राफिक बोर्ड एकान्तकुना सडकमा राखेपछि विवाद सतहमा

१८ साउन ०७९, ललितपुर । प्रहरीले निकालेको ट्राफिक बोर्ड मेयर चिरिवावुले एकान्तकुना सडकमा राखेपछि विवाद सतहमा आएको छ ।ललितपुर महानगर र ट्राफिक प्रहरी कार्यालयबीच विवाद भएको छ । ललितपुर महानगरले ट्राफिक कार्यालयको कार्यादेश मिचेर नख्खु दोवाटोलाई वान वे गरेपछि विवाद उत्पन्न भएको हो ।
प्रहरी आइजिपि धिरज प्रताप सिंहको निर्देशनमा ट्राफिक प्रहरीले सो निर्णय कार्यान्वयन नगराउनका लागि बोर्डहरु निकालेपछि विवाद सतहमा आएको हो ।
महानर र ट्राफिकबीचको विवादपछि मातहतका ट्राफिकहरु कम गर्न असहज भएको बताउछन् ।
ललितपुरमा कार्यरत एक ट्राफिक प्रहरीले नाम नबताउने शर्तमा महानगरले जहाँत्यही ट्राफिक व्यवस्थापनमा हस्तक्षेप गरेर अस्तव्यस्त बनाएको बताए । उनले भने हामीले कसको निर्णय मान्ने हो आफू ट्राफिकको कुरा सुनौं कि महानगरको ?
मंगलबार चिरिवावु महर्जनले ट्राफिक बोर्डहरु राख्न सडकमा उत्रेर आफूल ललितपुरका विभिन्न सडकमा ट्राफिक वान वे बनाएको बताए । उनले यो आफ्नो नवौं निर्णय भएको बताउदै भने,‘अवरोध गर्नु पर्ने कुनै कारण छैन । गर्नै पर्ने खण्डमा म महानगरको मेयर हुँ । मेरो अधिकार क्षेत्रको ट्राफिक बोर्ड छापामार शैलीमा लैजाने कसलाई अधिकार छ ।’
महानगरका मेयर महर्जनले आफूले गरेको निर्णय स्थानीयबासीहरु खुशी रहेको दाबी गरेका छन् ।

महानगरकी उपमेयर मञ्जली शाक्यले महानगरको बोर्ड बैठकबाट ट्राफिक वान वे बनाउने हुनै निर्णय नभएको बताइन् । उनले भनिन्, ‘नगर प्रहरीको निर्णय होला ।’
ट्राफिक प्रहरी प्रवक्ता राजेन्द्र प्रसाद भट्टले आफूहरु त्यस घटनाका विषयमा अध्ययन गरिरहेको बताए । उनले भने, अहिले यो विषयमा केही बोल्न मिल्दैन । हामी अध्ययन गरिरहेका छौं ।
ल्लितपुर महानगरले पाटनका विभिन्न सडकहरुमा वान वे बनाएर केही समय नगर प्रहरी तैनाथ गरे पनि व्यावहारमा कार्यान्वयन भइरहेको छैन । एक स्थानीयले भने, केही समय नगरप्रहरी सिटी बजाउदै आउँछ । पछि सडक खाली हुन्छ । वान वेमा गाडी निधक्क गुडेका छन् ।
महानगरले वान वे बनाएको सडकमा ट्राफिक उभिएर जरिवाना लगाउने गरेको छैन ।
उपत्यकाका अन्य १७ वटा नगरपालिकाले ट्राफिक प्रहरीको काम कारवाहीलाई कुनै हस्तक्षेप गरेका छैनन् । यी क्षेत्रको ट्राफिक व्यवस्थापना पनि ट्राफिकले नै हेर्ने गरेको हो ।
ट्राफिक प्रहरीबाट अवकाश पाएपछि हाल महानगरको नगर प्रहरी नियुक्त भएका सिताराम हाथेछु आएपछि नगरको ट्राफिक व्यवस्थापनका कर्मचारीहरुलाई सिटी बजाउदै सडकमा खटाउने गरेका छन् । महानगरको बोर्डबाट निर्णन नगरी उनलाई नियुक्ती दिएको भन्दै चिरीबाबु महर्जन अघिल्लो कार्यकालमा मेयर हुदा विवाद थियो ।