ललितपुर खबर
११ भदौं ०७९, काठमाडौं । काठमाडौं न्युरोडस्थित बचत अष्ट तथा ऋण सहकारीले बचतकर्ताको पैसा फिर्ता नदिई सास्ती दिई रहेको छ ।
काठमाडौं असनमा बस्दै आइरहेकी अञ्जु तामाङ शुक्रबार सहकारीको कार्यालयमा आफूले मुद्दतीमा राखेको २ लाख रुपैयाँ फिर्ता लिन आए पनि पाइनन् । उनलाई सहकारीले ५ हजार दिएर पठायो ।
तामाङ्ग आफूले राखेको २ लाख बचतको अवधि एक महिनाअघि नै सकिएको भए पनि सहकारीले पैसा फिर्ता नदिई सास्ती दिइरहेको बताउछिन् ।
उनलाई साउन ३१ गतेका दिन ५० हजार रुपैयाँको चेक दिइएको भए पनि खातामा नभएपछि उनले पाएकी छैनन् ।
सहकारीको रिसेप्सनमा काम गर्ने एक कर्मचारीका अनुसार गतअसारदेखि नै सहकारीमा समस्या आएको छ । सहकारीका अध्यक्ष अनिल खड्काले नै सबै कारोबार हेर्ने हुँदा पैसा फिर्ता लिन आउनेहरुलाई सिधै खड्कासँग भेट गराउने गरिएको छ । पछिल्लो समय कसैलाई पनि बचत फिर्ता गरिएको छैन ।
खड्का आएका बचतकर्तालाई भेट्छन् । पैसा चाडै दिन्छु म कारोबार मिलाउन दौडिरहेको छु भन्दै चिप्लो कुरा गर्छन् । अनि बचतकर्तालाई मख्ख पारेर फर्काउछन् ।
बचतकर्ता फेरि सहकारीमा आउदा यस्तै हर्कत दोहोरिन्छ । बचतकर्ता तामाङ भन्छिन्, ‘मैले विरामी हुँदा समेत पैसा पाइन । आमाको कोठामा बस्छु । इटहरी घर फर्कनु पर्ने पैसा नपाएर जान सकिएन ।’ बच्चा काखमा बोकेर कार्यालय परिसरमा भेटिएकी उनले भनिन्,‘पैसा पाए गाँउ जान्छु भनेको धेरै दुख पाइसके ।’
कार्यालयमा अध्यक्ष खड्का भेटिएनन । उनी हेटौडा भएको भन्दै आउने बचतकर्तालाई फर्काइएको थियो । अध्यक्ष खड्काले फोन कहिले पनि नउठाउने अञ्जु बताउछिन् ।
सहकारीमा अञ्जुले मात्रै होइन । उनको आमा काञ्छी तामाङ र ले पनि पैसा बचत फिर्ता पाएका छैनन् ।
सहकारीमै भेटिएका गम्भिरमान श्रेष्ठले पनि तीन लाख पचारस हजार र अमृतमान श्रेष्ठले २ लाख पैसा फिर्ता नपाएको गुनासो गरे ।
पछिल्लो समय सहकारी जिद्दी गर्ने बचतकर्तालाई ५ देखि १० हजारसम्म दिएर फर्काउने गरेको छ ।
सहकारीको मार्केटिङमा काम गर्ने निराजन कार्कीले आफूहरु कारोबार सहज गर्ने प्रयास गरिरहेको बताए । सहकारीका अफिसर अशिष पन्तले दुई तीन महिनामै कारोबार सहज हुने बताए । उनले भने, सानो सहकारी हो । ठूलो समस्या आउदैन ।
सहकारीका अध्यक्ष अनिल खड्का सम्पर्कमा आउन चाहेनन् ।
एनका अनुसार काठमाडौंको कोटेश्वरमा समेत सहकारीको शाखा छ । १४ करोडबराबर सहकारीको पुजी रहेको उनको भनाई छ ।
९८४३२७९१२३
प्रतिक्रिया