काठमाडौंमा २ जना मृत अवस्थामा फेला

१३ भदौ ०७९, काठमाडौं । काठमाडौंको फकर फरक ठाँउमा २ जना मृत अवस्थामा फेला परेका छनत् ।
प्रहरीका अनुसार शङ्खरापुर नगरपालिका १ नाङ्लेभारे बजारस्थित गोरेटो बाटोमा सोही ठाउँ बस्ने ४६ वर्षीया बिमला तामाङ (मगर) आइतबार मृत अवस्थामा फेला परेकी छिन् ।
साथै काठमाडौं महानगरपालिका १८ भुरुङखेल डेरा गरी बस्ने काभ्रे तिमाल गाउँपालिका ६ घर भएकी २१ वर्षीया मुना लामा पनि आफ्नै कोठामा आइतबार मृत अवस्थामा फेला परेकी छिन् ।
घटनाहरुका सम्बन्धमा प्रहरीले थप अनुसन्धान गरिरहेको जानकारी दिएको छ ।