गोकर्णको अर्यालगाँउबाट जुवातास खेलिरहेका २२ जना पक्राउ

२४ भदौ ०७९, काठमाडौं । काठमाडौंको गोकर्णेश्वर अर्याल गाँउबाट जुवातास खेल्दे २२ जना पक्राउ परेका छन् ।
प्रहरीका अनुसार गोकर्णेश्वर नगरपालिका ७ अर्यालगाउँ बस्ने ४९ वर्षीय राते लामाको घरमा जुवातास खेलिरहेको अवस्थामा लामा समेत २२ जनालाई बिहीबार दिउँसो प्रहरीले पक्राउ गरेको छ ।
उनको घरमा जुवातास खेलिरहेको भन्ने सूचनाको आधारमा प्रहरी वृत्त बौद्धबाट खटिएको प्रहरीले उनीहरूलाई नगद ६५ हजार ७ सय ४० रुपैयाँ र ६ बुक तास सहित फेला पारी पक्राउ गरेको हो ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।