हराएको टुकुचा खोला भेटिएपछि (तस्विरहरु)

ललितपुर खबर
४ असोज ०७९, काठमाडौं । काठमाडौं महानगरले काठमाडौंको नारायणहिटी दरवारपरिबाट हराएको टुकुचा खोला खोजी सुरु ग¥यो । जयनेपाल हल परिसरमा डोजरले खनेपछि ईटाको पर्खालले छेकिएको अवस्थामा खोला भेटिएको थियो ।

झण्डै ३ मिटरको चौडाईमा दुवैतिर पर्खाल लगाई माथि भि आकारले ढाकेर माटो राखिएको अवस्थामा खोला भेटिएको हो । महानगरले लक्ष्मीबंैक र सिद्धार्थ बैंक परिसरलगायत ४ ठाँउमा खनेर खोला पत्ता लगाएको हो ।

टुकुचा खोला उत्खनन भइरहँदा सयौं सर्वसाधारण भेला भएका थिए । महानगरका प्रहरीले डोजर लिएर खाली जमिन भएको ठाँउमा खोला खोजेका छन् ।
टुकुचा खोला उत्खननपछि खोलामाथि दर्जनौं घर बनेको तथ्य प्रमाणित भएको छ ।

महानगरले तत्कालका लागि खाली जमिन भएको ठाँउमा उत्खनन गरे पनि घर भत्काउने नभत्काउने केही बताएको छैन ।
२०२१ सालपछि सरकारले जग्गा नापजाँच गरेको भएपछि यस क्षेत्रमा २०३३ सालमा नापी गरिएको थियो । त्यसताका यहाँ जग्गामा खोला देखाइएको छैन । सरकारी लगतमा खोला नभएपछि घरहरु बनाइएको स्थानीयहरु बताउछन् ।

न्गरपालिकाले यहाँका घरहरु नक्सा पास गरेको छ या छैन केही बताएको छैन । विक्रम संम्बत २००० भन्दा अघि राणा कालमा यहाँ पटाङगिनी बनाउन खोलालाई जमिनमुनि पुरेको बताइएको छ । कालान्तरमा राणाहरुको जग्गा सर्वसाधारणहरुले किनेपछि यहाँ बस्ती बसेको हो ।

लेन्स : ललितपुर खबर