काभ्रेमा जेसिबी दुर्घटना, २५ वर्षीय युवकको मृत्यु

३१ असोज ०७९, काभ्रे । सोमबार काभ्रेपलाञ्चोकको रोशी गाउँपालिकामा जेसिबी दुर्घटना हुँदा एकजनाको मृत्यु भएको छ । काभ्रेको रोशी गाउँपालिका -६ कुखुरेपाखामा एक  जेसिबी अनियन्त्रित भएर पल्टिँदा एकजनाको मृत्यु भएको हो ।  प्रहरी चौकी कटुन्जेका अनुसार कुखुरेपाखाबाट कटुन्जेतर्फ जाँदै गरेको बा २ ख ८६ ०२ नं को जेसिबी अनियन्त्रित भई आज बिहान अन्दाजी १० बजेतिर सडकबाट ९५ फिट तल खोलामा खस्न पुगेको हो । मृत्यु हुनेमा दुर्घटित जेसिबीकै चालक रामेछापको दोरम्बा गाउँपालिका–२ का २५ वर्षीय जीवराज तामाङ रहेका छन् ।