भारतीय हस्तक्षेपविरुद्ध दूतावास अगाडि प्रदर्शन

२१ मंसिर ०७९,काठमाडौं । भारतीय पक्षले गरेको महाकाली नदीको अतिक्रमणविरुद्ध नेकपा क्रान्तिकारी माओवादी निकट विद्यार्थी संगठन अखिल क्रान्तिकारीले विरोध प्रदर्शन गरेको छ ।

अखिल क्रान्तिकारीले आज लैनचौरस्थित भारतीय दूतावासको कार्यालय अगाडि पुगेर विरोध प्रदर्शन गरेका हुन् ।  प्रदर्शनमा सहभागी विद्यार्थीले भारतले अतिक्रमण गर्दा पनि सरकार मौन रहेको भन्दै आपत्ति जनाएका छन् ।

सरकारले मंगलबार मात्रै महाकाली नदी अतिक्रमण र दार्चुलास्थित नेपाली नागरिकहरुमाथि भएको ज्यादतीलाई लिएर भारतलाई कूटनीतिक नोट पठाएको छ । भारतले पनि तत्कालका लागि निर्माण रोकेको पत्र पठाएको छ ।