ललितपुरका सेफ ६० देशका प्रतिश्पर्धीसँग पाक कलामा प्रतिस्पर्धा गर्दै

ललितपुर
१४ माघ । नेपालको प्रतिनिधित्व गर्दै योङ सेफ ओलिम्पियाड’मा ललितपुरको एकेडेमी अफ क्युलिनरी आर्टस एण्ड हस्पिटालिटी म्यानेजमेन्टमका विद्यार्थी सुज्ञान थापाले प्रतिस्पर्धा गर्ने भएका छन् । उनको प्रतिश्पर्धामा मेन्टरको भूमिकामा सेफ सूर्य महत् सहभागी हुने शुक्रबार आयोजित पत्रकार सम्मेलनमा जानकारी दिइएको छ । अघिल्ला प्रतिश्पर्धाहरुमा नेपालकका सेफहरुले विभिन्न अवार्ड जित्न सफल यस प्रतियोगितामा सन् २०२० मा नेपालको क्युलिनरी आर्टस् एन्डहस्पिटालिटी म्यानेजमेन्टका छात्रा शबी राजबाहकले बेस्टहाइजेनिक अवार्ड र राइजिङस्टार अवार्ड हात पारेका थिए । भने २०२१ मा यस कलेजका छात्र अभया लिम्बुले ६० रास्ट्रहरु मध्ये १०औं स्थान हासिल गर्दै बेष्ट किचन कट्स अवार्ड हासिल गरेका थिए ।
सन २०२२ मा यस कलेजका छात्र अजय पुनले बेष्ट हाइजिइन प्राक्टिक्स पुरस्कार प्राप्त गर्न सफल भएका थिए भने यसै कलेजका प्रशिक्षक सूर्य महतले सबैभन्दा राम्रो मेन्टरको उपाधी पाएका थिए ।
यही माघ १५ गतेदेखी २१ गतेसम्म इन्टरनेशनल हस्पिटालिटी काउन्सिल लन्डनको सक्रियतामा इन्टरनेशनल इन स्टिट्युट अफ होटल म्यानेजमेन्ट (आईआईएचएम) इन्डिया द्वारा आयोजित ‘योङ सेफ ओलिम्पियाड’सञ्चालन हुने भएको हो ।

कार्यक्रममा ‘एकेडेमी अफ क्युलिनरी आर्टस एण्ड हस्पिटालिटी म्यानेजमेन्ट तथा सेन्टर फर लिडरसीप एण्ड इन्टरप्रेनरसिप’ कलेजले शुरू देखि नै नेपालको प्रतिनिधित्व गर्दै आएको छ । अघिल्लो सिजनमा ईटलीले जितेको उक्त्त प्रतिस्पर्धामा फ्रान्स स्विजर्लण्ड्, मेक्सिको, क्यानडा, बेलाएत्, स्पेन्, सिङापुर तथा भारतलगायत संसारभरिका ५८ वटा राष्ट्रहरु सहभागी हुनेछन् । धेरै प्रतिस्पर्धी भएका हुनाले यो दिल्ली,बंगलौर, पुने, गोवा तथा हाइदरवादमा आयोजना गर्ने तयारी गरिएको छ ।
प्रतिस्पर्धी राष्ट्रहरुलाई ६ वटा समूहमा विभाजित गरिएको छ । उक्त बिभाजन अनुसार नेपाल प्रथम समूहमा पर्दछ । उक्त्त प्रतिस्पर्धाले संयुक्त राष्ट्र संघको ‘दिगो विकास लक्ष्य’ लाई प्रचार र प्रवर्धन गर्ने अपेक्षा गरिएको छ । कार्यक्रमको उदघाटन २९ जनवरीमा हुनेछ भने नेपालले ३० जनवरीमा प्रतिष्पर्धा गर्नेछ । बिजेताहरु मध्ये प्रथम,द्वितीय र तृतियले क्रमशःस्वर्ण, रजतर कांस्य पदकका साथै ५ हजार ३,हजार र २ हजार अमेरिकी डलर नगद पनि प्राप्त गर्ने छन् ।
एकेडेमी अफ क्युलिनरी आर्टस एण्ड हस्पिटालिटी म्यानेजमेन्टमा आयोजित पत्रकार सम्मेलनमा उक्त जानकारी दिइएको हो । सम्मेलनमा बोल्दै सो संस्थाका अध्यक्ष अशेष महर्जनले युवा सफल भए मात्र रास्ट्र सफल हुने हुंदा पर्यटन होटल संचालनमा अब्बल जनसक्त्ती उत्पादन गर्ने उद्देश्यले सो प्रतिस्पर्धामा भाग लिन लागेको बताएका छन् । सो कार्यक्रममा मेन्टर सेफ सूर्य महत तथा प्रतिस्पर्धी बिद्यार्थीु सुज्ञान थापाले देशको नाम उज्ज्वल बनाउन हौसला प्राप्त भएकोे बताए । सो कार्यक्रममा बरिष्ठ सेफहरु सन्तोशशाह, गोबिन्द नरसिंह केसी, रत्न बहादुर थापा, लक्ष्मण भण्डारी, बिक्रम थापा तथा भावी खनालले पनि आफ्नो धारणा राखेका थिए । कार्यक्रममा ’टिमुर’ नामक पुस्तकका लेखक प्रशान्त खनालले पनि आफ्नो मन्तब्य राखेका थिए ।
एकेडेमी अफ क्युलिनरी आर्टस एण्ड हस्पिटालिटी म्यानेजमेन्ट सन् २०१० मा डिप्लोमा इन क्युलिनरी आर्टस नामको कार्सका साथ सञ्चालनमा आएको हो । उक्त कोर्सबाट अहिलेसम्म १००० भन्दा बढी नेपाली युवालाई रोजगारको बाटो देखाउन र करियरअगाडि बढाउन सहयोग पुग्दै आएको छ। उक्त कलेजले डिप्लोमा इन कलिनरि आर्ट्स (१वर्ष), बिएचएम(४वर्ष),बिबिए (४वर्ष), रएमबिए (२वर्ष) काकार्यक्रम मार्फत नेतृत्व र उद्यमशीलता केन्द्रीत पठन–पठन गराउंदै आएको छ ।
९वौ ंसंस्करणको उक्त्त प्रतिस्पर्धाबाट विश्व सामु खानाको माध्यमबाट नेपाललाई चिनाउन ‘एकेडेमी अफ क्युलिनरी आर्टस एण्ड हस्पिटालिटी म्यानेजमेन्ट तथा सेन्टर फर लिडरसीप एण्डइन्टरप्रेनरसिप’ कलेजले यसलाई अवसरकोे रुपमा लिएको छ ।
१८ देखि २४ उमेर समुहका होटल व्यावस्थापनका बिधार्थीले भाग लिनसक्ने उक्त प्रतिस्पर्धाका लागी गत अक्टोबर महिनामा रजिस्ट्रेसन खुल्ला गरिएको थियो ।
यस कार्यक्रम सन् २०१५ बाट सुरु गरिएको हो ।