पुरानो बानेश्वरमा ७ वर्षीय छोरीको हत्या गरी बाबुले गरे आत्महत्या

काठमाडौं, २१ माघ । काठमाडौं पुरानो बानेश्वरमा ७ वर्षीय छोरीको हत्या गरेर बाबुले आत्महत्या गरेका छन् । शनिबार दिँउसो पुरानो बानेश्वरस्थित टंकप्रसाद मार्गमा छोरीको घाँटी रेटेर हत्या गरेर बाबु झुण्डिएको अवस्थामा फेला परेको प्रहरीले जनाएको छ । रामेछापको खाँडादेवी गाउँपालिका घर भएका ४२ वर्षीय किशोर भण्डारीले आफ्नै ७ वर्षीय छोरी कृपा भण्डारीलाई हत्या गरेका हुन्। उनीहरु त्यहाँ डेरामा बस्दै आएको र बाँकी थप बुझ्ने काम भइरहेको प्रहरीले जनाएको छ।