दक्षिण ललितपुरको नमनको गहुँ बारीमा गोले मृत फेला

ललितपुर खबर
२७ माघ । दक्षिण ललितपुरको नमन गाँउमा एक युवक मृत अवस्थामा फेला परेका छन् । महांकाल गाउँपालिका ५ नमनडाँडा बस्ने ३२ वर्षीय राजकुमार गोले मृत अवस्थामा फेला परेका हुन् ।
गोटिखेल प्रहरी चौकी ललितपुरका अनुसार मानसिक सन्तुलन गुमाएका गोले केही दिनदेखि बेपत्ता थिए । उनको खोजीको क्रममा घर नजिकै गहुँबारीमा बुधबार मृत अवस्थामा फेला परेका हुन् । महानगरिय प्रहरी बृत्त चापागाँउको टोली दक्षिण ललितपुरको नमन पुगेर पोष्टमार्टमका लागि पाटन अस्पताल लगेको प्रहरी चौकीका सही राजेन्द्र शाहले जानकारी दिएका छन् ।