काठमाडौं, ५ फागुन । काठमाडौं कीर्तिपुरस्थित त्रिवि मैदानमा जारी आईसीसी क्रिकेट विश्वकप लिग टु अन्तर्गतको खेलमा सट्टेबाजीमा संलग्न भएको आशंकामा प्रहरीले एकजना नेपाली युवकलाई नियन्त्रणमा लिएको छ। मैदानमै खटिएका प्रहरीले नै उनलाई पक्राउ गरेका हुन्।
प्रहरीको केन्द्रीय अनुसन्धान व्युरो (सीआईबी) का प्रवक्ता एसपी सन्जय सिंह थापाका अनुसार नेपाल र स्कटल्याण्डबीच खेलमा अनलाइन सट्टेबाजीमा संलग्न भएको आशंकामा एकजनालाई नियन्त्रणमा लिएर प्राविधिक पक्षको अनुसन्धान भइरहेको छ। प्रहरीले पक्राउ परेका व्यक्तिको परिचय भने खुलाएको छैन।
प्रतिक्रिया