सम्झना सहकारीद्वारा २५ सय कृषकलाई निःशुल्क विउविजन वितरण

चापागाँउ
१२ फागुन । ललितपुरको चापागाँउमा कार्यालय खोलेर दक्षिण ललितपुर आसपासका किसानलाई वित्तीय सेवा दिइरहेको सम्झना कृषि सहकारी संस्थाले करिव २५ सय किसानलाई निःशुल्क विउ विजन वितरण गरेको छ ।
शुक्रबार चापागाँउमा आयोजित विशेष कार्यक्रममा बालबचत गर्ने बचतकर्ता सदस्यहरु,उत्कृष्ट र सर्वोत्कृष्ट केन्द्रहरु सहित करिव २ सयभन्दा धेरैलाई विशेष सम्मान गरेको हो ।
सहकारीले राम्रो कारोवार गरेका ८५ सहकारी, उत्कृष्ट २३ सहकारी र सर्वोत्कृष्ट ८ सहकारीलाई सम्मान गरेको छ ।
कार्यक्रममा सहकारीले १ सयभन्दा धेरै वाल वचत गरि सहकारीमा योगदान दिनेहरु वालवालिकालाई सम्मान गरिएको थियो ।
सहकारीका पुर्वअध्यक्ष पुरुषोत्तम हुमागाईले सहकारी क्षेत्रमा संकट आइरहे पनि सम्झना सहकारीले विस्तारै सञ्जाल निमार्णलाई तिव्रता दिएको बताए । भने, ‘हामी उत्पादनमुलक क्षेत्रमा काम गरेर अघि बढेका छौं । हामीलाई समस्या छैन ।’
सहकारीका अध्यक्ष चुडा प्रसाद घिमिरेले अव सहकारीले बचत र शेयर बृद्धि अभियान सुरु गर्ने बताए । भने, ‘बचत बढाउनुस् । त्यो पैसा तपाईकै हो । चाहिएको बेला लैजानुस् ।’
कार्यक्रममा सहकारीकी लेखापाल सुशीला गौत्तमलाई विदाई गरिएको थियो । उनी रोजगारीका लागि जापान जाने भएकी छिन् ।