ललितपुर एमालेद्वारा ‘मिसन ग्रासरुट’ अभियान सुरु, संगठन विस्तार हुने

ललितखबर
१३ फागुन । ललितपुर एमालेले ‘मिसन ग्रासरुट’ अभियान सुरु गरेको छ ।
शुक्रबार ललितपुरमा आयोजित कार्यक्रममा ललितपुरलाई तीन भागमा विभाजन गरेर संगठन विस्तार अभियान ‘मिसन ग्रासरुट’ शुभारम्भ गरिएको जिल्ला पार्टी अध्यक्ष पुरुषोत्तम आचार्यले ललितपुर खबरलाई जानकारी दिएका छन् ।
पार्टी उपाध्यक्ष सुरेन्द्र पाण्डे,सचिव गोकर्ण विष्टलगायत नेताहरुको उपस्थितीमा अभियन शुभारम्भ गरिएको हो ।
जिल्लाको नेतृत्व जिल्ला अध्यक्ष पुरुषोत्तम आचार्यले गर्नेछन् । अभियानले पार्टी सदस्यता नविकरण,सदस्यता वितरण,जनसंगठनका काम व्यवस्थापन,टोलटोसम्मै कमिटी निर्माण,प्रशिक्षणहरु सञ्चालनलगायतका काम अभियानकै रुपमा सञ्चालन गरिने अध्यक्षको भनाई छ । अभियान शुक्रबारबाट सुरु भई बैशाख ९ गतेसम्म चल्नेछ ।
उनका अनुसार दक्षिण ललितपुरको तीन गाँउपालिका कोञ्ज्योसोम, वागमती र महाकाल पहिलो कल्स्टर, गोदावरी र महालक्ष्मी दोश्रो र ललिलपुर महानगर तेश्रो कल्स्टर छुट्याइएको छ ।
पहिलो कल्स्टरमा पार्टी केन्द्रिय सदस्य विषमलाल अधिकारी, दोश्रो कल्स्टरको केन्द्रिय सदस्य धर्मदत्त देवकोटा र तेश्रो कल्स्टरको नेतृत्व महेश बस्नेतले नेतृत्व गर्ने छन् ।
अभियनको प्रदेशतर्फ नेतृत्व नेताहरु क्रमशः अमृत खड्का,नवराज सिलवाल,मधुसुदन पौडेल,चेतनाथ सञ्जेल,प्रेम महर्जन,बाबुकाजी प्रधानजीवन खड्का,रामहरि बजगाई र चिरिञ्जीवी आचार्य तोकिएका छन् ।