स्वयम्भूको शिवशक्ति मन्दिरबाट मूर्तिसहित तेस्रो लिङ्गी पक्राउ

काठमाडौं
५ चैत । काठमाडौं १५ स्वयम्भू नयाँबस्तीको शिवशक्ति धाम मन्दिरबाट
सत्य शक्ति देवी लेखिएको ढुंगाको मुर्ती चोरी गरेको अभियोगमा एक तेस्रो लिङ्गी पक्राउ परेका छन् । मूर्ति चोरी गरेको अभियोगमा काठमाडौं नगरपालिका १७
ढल्कु पोडेटोल बस्ने दोलखा भिमसेनथान घर भएकी तेस्रो लिङ्गी २८ वर्षीया कुमारी तामाङलाई शुक्रबार साँझ प्रहरीले पक्राउ गरेको छ ।

गतमाघ १६ गते उक्त मूर्ती चोरी भएको भन्ने उजुरीको आधारमा प्रहरी वृत्त स्वयम्भूबाट खटिएको प्रहरीले तामाङको कोठा तलासी गर्ने क्रममा सो मन्दिरबाट चोरी भएको सत्य शक्ति
देवी लेखिएको ढुंगाको मुर्ती १ थान, विभिन्न देवी देवताको आकृती भएको ढुंगाको मूर्ती २४
थान, धातुको मूर्ती २९ थान र धातुको त्रिशुल १ थान फेला पारी उनलाई पक्राउ गरेको हो ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।