काभ्रेपलाञ्चोकः ‘क्षयरोगमुक्त काभ्रेपलाञ्चोक’ निर्माणका लागि जिल्लास्तरीय अभियान शुरु गरिएको छ । त्यसका लागि जिल्ला समन्वय सामितिका प्रमुख दीपककुमार गौतमको अध्यक्षतामा समिति गठन गरिएको छ ।
समितिमा स्वास्थ्य कार्यालयका प्रमुख पुरुषोत्तम सेढाईँ सदस्यसचिव तथा सरोकारवाला निकायका प्रतिनिधि सदस्य रहेका छन् । क्षयरोगमुक्त मुलुक निर्माणका लागि यसअघि नै शुरु भएको दीर्घकालीन सोच लक्ष्य रणनीति निर्माण गरी आव २०९१÷९२ मा क्षयरोग अन्त्य र २१०६-७ सम्म क्षयरोग निवारण गर्ने उद्देश्यका साथ शुरु भएको कार्यक्रम जिल्लामा पनि लागू हुन लागेको हो ।
जिल्लामा रहेका १३ वटै स्थानीय निकाय र सम्बन्धित सरोकारवाला साथै विद्यालय तथा समुदायसँगको सहकार्यमा काभ्रेपलाञ्चोकलाई क्षयरोगमुक्त जिल्ला निर्माण गर्ने समितिका अध्यक्ष तथा जिल्ला समन्वय समिति प्रमुख गौतमले बताए । क्षयरोगमुक्त जिल्ला निर्माणसँगै अभियानमै जिल्लामा क्षयरोगसँग सम्बन्धित सचेतनामूलक कार्यक्रम गरी क्षयरोग लाग्नै नदिने प्रयासमा रहेको अठोटसमेत गौतमले गरे ।
जिल्लामा चालु आवको फागुन मसान्तसम्म एक सय ७२ क्षयरोगका बिरामी पत्ता लागेको स्वास्थ्य कार्यालयका प्रमुख सेढाईन्ले बताए । ‘स्क्रिनिङ’ गरिएका बिरामीले बीचमै औषधि छाड्ने प्रवृत्ति रहेकाले अन्य व्यक्तिलाई सर्न सक्ने जटिलता थपिएका सेढाईँले प्रस्ट पारे ।
प्रतिक्रिया