ललितपुरमा निर्माणधिन समिट अपार्टमेन्ट बनाउन नदिने महानगरको निर्णय

समितिलाई क्षतिको विवरण संकलन, क्षतिपूर्ति विरतण र निर्माण कम्पनीलाई कारबाहीको सिफारिसको म्याण्डेट दिइएको छ

२७ चैत । ललितपुर महानगरपालिकाले बखुण्डोलस्थित निर्माणाधीन समिट अपार्टमेण्ट बनाउन नदिने निर्णय गरेको छ । सांसद विनोद चौधरीको निर्माणाधीन अपार्टमेण्डका कारण स्थानीयहरु मारमा परेपछि महानगरले उक्त अपार्टमेण्ट बनाउन नदिने भएको हो ।

त्यस्तै घटनाबारे छानबिन गर्न महानगरपालिकाले उपमेयर बज्राचार्यको संयोजकत्वमा समिति गठन गरेको छ । उक्त समितिमा सम्बन्धित वडाका दुई वडाध्यक्ष, पीडितका तर्फबाट तीन जना, समिटका प्रतिनिधि, महानगरका इन्जिनियर र प्रवक्ता छन् । समितिलाई क्षतिको विवरण संकलन, क्षतिपूर्ति विरतण र निर्माण कम्पनीलाई कारबाहीको सिफारिसको म्याण्डेट दिइएको छ ।

चौधरीको समिट अपार्टमेण्टको जग खन्ने क्रममा दुई वटा घर ध्वस्त भएका थिए । एउटा छ तले घरको भुईंतल्ला जमिनमुनी भासिएको थियो भने आधा दर्जनबढी घरमा क्षति पुगेको पाइएको छ ।