शताब्दी पुरूष सत्यमोहन जोशीकी पत्नी राधादेवी जोशीका हृदयघातपछि निधन

२ बैशाख । शताब्दी पुरूष सत्यमोहन जोशीकी पत्नी राधादेवी जोशीको ललितपुरको एक अस्पतालमा हृदयघातका कारण निधन भएको छ ।
अस्पतालका अनुसार उपचारको क्रममा आज बिहान ५ः५६ बजे उनको निधन भएको हो । स्वास्थ्यमा समस्या आएपछि गतचैत १६ गते अस्पतालमा भर्ना गरिएको थियो ।
गएको असोज ३० गते शताब्दीपुरूष सत्यमोहन जोशीको निधन भएयता राधादेवि शोक थिइन् । पछिल्लो समय उनको स्वास्थ्य अवस्थाका कारण कमजोर रहेको पारिवारिक श्रोतले जानकारी दिएको छ ।
अस्पतालले जारी गरेको विज्ञप्ती अनुसार जोशीलाई निमोनिया भइ सघन कक्षमा उपचार सुरु गरिएको थियो । उनको सेपटिक सक र हृदयघातका कारण निधन भएको अस्पतालले जानकारी दिएको छ ।
शताव्दी पुरुष जोशीले मृत्युपश्चयात अस्पताललाई शरिर दान दिएका थिए ।