नयन बहुउद्देश्यीय सहकारीका अध्यक्ष केशव दाहाल फेसबुकमा सुसाइट नोट लेखेर वेपत्ता

ललितपुर खबर
१२ वैशाख

ललितपुर सातदोवाटोमा रहेको नयन बहुउद्देश्यीय सहकारीका अध्यक्ष केशव दाहाल फेसबुकमा सुसाइट नोट लेखेर वेपत्ता भएका छन् । दाहालले मंगलबार दिउँसो दुई पानाको सुसाइट नोट लेखेर वेपत्ता भएका हुन् ।

उनले आफ्नो स्टाटसमा सहकारी डुब्नुमा अन्य व्यक्तिहरुको समेत हात रहेको उल्लेख गरेका छन् । उनले आफूले व्यक्तिगत रुपमा दिनुपर्ने रकम समेत स्टाटसमा उल्लेख गरेका छन् ।

यसअघि पनि उनी गत मंसिर ५ गते बिहान घरबाट आफू भक्तपुर जाने र एक घण्टामा आउँछु भनेर निस्केपछि वेपत्ता भएका थिए । सहकारीले बज्र फाउण्डेशनलाई ठूलो रकम विनाधितो ऋण दिएको छ । ऋण उठ्न नसक्दा सहकारीमा समस्या आएको छ । तर दाहालले विनाधितोको समस्या समाधान गरेको बताउने गरेका थिए ।

यस सहकारीले विनाधितो धेरै रकम ऋण लगानी गरेको बुझिएको छ । नयन सहकारी केही समयअघि हेलो कञ्चनजंगासँग एकीकरण भई छ महिनापछि एकीकरण भंग भएको थियो ।