तार व्यवस्थापन गर्दा इन्टरनेटलगायत सेवा अवरुद्ध हुन सक्ने भन्दै रोक्न आदेश पाएको थियो
२२ बैशाख । काठमाडौं महानगरका पोलहरुको तार हटाउन महानगरका मेयर बालेनले शहरबासीको सहयोग मागेका छन् ।
महानगरका मेयर बालेन शाहले गतसाउनदेखि बैशाखसम्म महानगरका ५३ ठाँउमा रहेको पोलमा आगलागी भएको र ती दृश्यहरु सामाजिक सञ्जालमा हजारौँ मिम बनेका र ट्रोल भएका तथ्य सार्वजनिक गरेका छन् । सामाजिक सञ्जालमा लेख्दै मेयर शाहले कतिपय अवस्थामा तत्कालका लागि कसैलाई असुविधा पुग्न सक्ने तर महानगरबासी साथ दिने अपेक्षा राखेको बताएका छन् ।
शहरका तार व्यवस्थित गर्न एकिकृत विकासका लागि सम्बन्धित कानुन बनाउन आग्रह गरेको धेरै भइसकेको तर कुनै सुनुवाइ नभएको उनको गुनासो छ । महानगरले शहरको तार व्यवस्थित गर्न १५ दिन पहिले सूचना जारी गरेको तर त्यसको विपरित त्यो तार व्यवस्थापन गर्दा इन्टरनेटलगायत सेवा अवरुद्ध हुन सक्ने भन्दै रोक्न आदेश पाएको थियो ।
समस्यालाई यथावत राखेर व्यवस्थित र सुन्दर महानगर नबने र आगलागीलगायतले नागरिकको जनधनको सुरक्षाको आफूहरु क्रियाशिल रहेको मेयर बालेनको भनाई छ ।
कसरी हुन्छ पोलहरुमा तारको गुजुल्टो
काठमाडौं महानगरनगरलगायतका विभिन्न ठाँउका पोलहरुमा अहिले तारको गुजुल्टो देखिन्छ । महानगरमा इन्टरनेट, केबुललगायतका तार राख्दा यसतो अवस्था आएको हो ।
इन्टरनेट सेवा दिने कम्पनीहरुले तार तानेर घर घरमा पु¥याउने तर इन्टरनेट बन्द गर्दा तार ननिकाल्ने भएकाले यो समस्या आएको हो । पोलमा राखिएका सबै तारबाट इन्टरनेट टेलिभिजनको सिग्नल जाँदैन धेरै तार बेकाम टागिएको एक इन्टरनेट कम्पनीमा काम गर्ने कर्मचारी बताउछन् ।
पछिल्ला ताररहित टेलिभिजन डिस होम आएपछि पनि धेरै तार टेलिभिजनका केवुलहरु रहेको उनी बताउछन् । एक पल्ट तार निकालेर नयाँ राख्ने हो भने पोलमा थोरै तार रहने उनको भनाई छ ।
प्रतिक्रिया