गायिका इन्दिरा जोशी दम्पतीले दिए विवाह भएको एक बर्षपछि पार्टी

२४ बैशाख । गायिका इन्दिरा जोशी र पति शरद केडियाले विवाहको एक वर्षपछि शनिबार साँझ पार्टी दिएका छन् ।
उनीहरुको पार्टीमा कलाकारहरु मदनकृष्ण श्रेष्ठ, संगीतकार न्ह्यु बज्राचार्य, गायक गायिकाहरु कुन्ती मोक्तान दम्पती, रामकृष्ण ढकाल, निर्मल शर्मा, केकी अधिकारी, रीमा विश्वकर्मा, पूर्वमिस नेपाल अनुष्का श्रेष्ठ र काठमाडौं महानगरपालिका प्रमुख बालेन शाहलगायत सहभागी थिए ।
फेसन डिजाइनर केडियाले गतबर्षको जेठ ३१ गते गायिका इन्दिरा जोशीसँग विवाह गरेका थिए । शरदले गायिका इन्दिरालाई हेलिकप्टरमा प्रेम प्रस्ताव राखेका थिए ।