तारकेश्वरमा टिपरले मोटरसाइकललाई ठक्कर दिँदा नुवाकोटका लोप्चनको मृत्यु

२९ वैशाख ।  काठमाडौंको तारकेश्वर नगरपालिका ६ चिसापानीमा गएराति भएको दुर्घटनामा एक जनाको ज्यान गएको छ । गएराति सवा १० बजे रा १ ख २७३४ नम्बरको टिपरले बा ३४ प १००७ नम्बरको मोटरसाइकललाई ठक्कर दिँदा मोटरसाइकलका चालक नुवाकोट नौकुण्ठ २ घर भइ चिसापानी बस्ने ३३ वर्षका पासाङ लोप्चन तामाङको ज्यान गएको प्रहरीले जनाएको छ ।

तामाङको ग्रीन सिटी अस्पताल सामाखुशीमा उपचारका क्रममा गएराति नै ज्यान गएको हो । टिपर चालकलाई प्रहरीले पक्राउ गरेको छ ।