कान्तिलोकबाट यात्रा गर्दा पर्याप्त सूचना लिन सडक विभागको अनुरोध

दक्षिण ललितपुरको झाक्रिडाँडा छपेली बगुवा खण्डमा बर्षाका कारण निरन्तर पहिरो जाँदा यात्रुहरु अलपत्र पर्न थालेपछि विभागले सूचना नै प्रकाशित गरेर सचेत बनाएको हो

१८ असार । ललितपुर हुँदै हेटौडा जाने राजधानीकै छोटो मार्गको रुपमा परिचित कान्तिलोक पथबाट यात्रा गर्दा पर्याप्त सूचना लिन सडक विभागले सर्वसाधारणहरुलाई अनुरोध गरेको छ ।

दक्षिण ललितपुरको झाक्रिडाँडा छपेली बगुवा खण्डमा बर्षाका कारण निरन्तर पहिरो जाँदा यात्रुहरु अलपत्र पर्न थालेपछि विभागले सूचना नै प्रकाशित गरेर सचेत बनाएको हो ।
विभागले सूचना लिन नम्बरहरु समेत सार्वजनिक गरेको छ ।