भक्तपुरबाट युवतीको अश्लिल फोटो तथा भिडियो राखी चरित्रहत्या गरेको अभियोगमा पक्राउ

भक्तपुर
१४ भदौ । भक्तपुरबाट युवतीको अश्लिल फोटो तथा भिडियो राखी चरित्रहत्या गरेको अभियोगमा २५ वर्षीय सुसन चौगुठीलाई प्रहरीले पक्राउ गरेको छ ।
प्रहरीका अनुसार चैलागाईले सामाजिक सञ्जाल फेसबुकमा नक्कली आइडी बनाई केटी साथीहरूसँग नजिक भई प्रेम जालमा पारी विभिन्न बहानामा अश्लिल फोटो तथा भिडियोहरू खिचेका थिए ।
उनले सम्बन्धको दुरूपयोग गरी नक्कली फेसबुक आइडी बनाई उक्त भिडियोहरू पीडितको आफन्तहरूलाई समेत पठाई चरित्र हत्या गरेका थिए । घटनामा संलग्न चौगुठीलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले पक्राउ गरेको हो ।
उनलाई विद्युतीय कारोबार ऐन, २०६३ बमोजिमको कसूरमा आवश्यक अनुसन्धान एवं कारवाहीको लागि नेपाल प्रहरी प्रधान कार्यालय, साईबर ब्यूरो भोटाहिटी पठाइएको छ
।