दश बर्षे वालकलाई खोलाले बगाउदा बेहोस, अस्पताल लगेपछि मृत्यु

९ असोज । हेटौडामा एक वालकलाई खोलाले बगाउदा मृत्यु भएको छ ।
प्रहरीका अनुसार हेटौंडा उपमहानगरपालिका ४ भैरब रोड बस्ने फिरज अन्सारीको छोरा १० वर्षीय संसाद अन्सारीको सोही उपमहानगरपालिका १ स्थित सब्जी मन्डी नजिक रहेको राप्ती खोलाले बगाउँदा मंगलबार दिउँसो मृत्यु भएको हो ।
परिवारसहित उक्त खोलामा नुहाउने क्रममा उनलाई खोलाले बगाएपछि करिब ५ सय मिटर तल राप्ती पुल नजिक बेहोस अवस्थामा फेला पारी उनलाई उपचारको लागि हेटौंडा अस्पताल लगिएकोमा उपचारको क्रममा मृत्यु भएको प्रहरीको भनाई छ ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।