नख्खुखोलामा पुल निर्माण हुने

१० असोज । ललितपुर महानगरपालिकाका मेयर चिरिबाबु महर्जनले नख्खुखोला पुलमा निर्माण हुने पुलको शिलान्यास गरेका छन् । बुधबार एक कार्यक्रमका बीच ललितपुर महानगर–१४ स्थित नख्खुखोला पुलमा निर्माण हुन लागेको पुलको शिलान्यास मेयर महर्जनले गरेका हुन् ।
साविकका गाविसहरुलाई चक्रपथ भित्रका वडासँग जोड्न पुल निर्माणको काम थालेको महानगरले जनाएको छ । नख्खुखोलामा ४ करोड रुपैयाँ लागतमा निर्मााण हुन लागेको पुलले महानगरको वडा नम्बर १४ नखिपोट र वडा नम्बर २५ र भैसेपाटीलाई जोड्नेछ । यो पुल १८ महिनामा निर्माण सम्पन्न हुने महानगरले जनाएको छ ।