चावहिलबाट २१ लाख मूल्य बराबरको धनमाल चोरी

२ कात्तिक । काठमाडौँ महानगरपालिका–७ चाबहिलबाट २१ लाख ९ हजार रुपैयाँ बराबरको धनमाल चोरी भएको छ । चावलिहस्थित शान्ति गोरेटोमा राम प्रसाद केसीको घरबाट कोही नभएको अवस्थामा चोरले धनमाल चोरेको जिल्ला प्रहरी परिसर काठमाडौँले जनाएको छ ।

राम प्रसादको घरबाट सुनका विभिन्न गहनाहरू, अमेरिकी डलर ३ सय, हिराको टप लगायतका सामान चोरी भएको छ । चोरीमा संलग्नहरु फरार छन् । फरार व्यक्तिको खोजी भइरहेको जिल्ला प्रहरी परिसर काठमाडौँले जनाएको छ ।