राजधानीको टोखा र बिजेश्वरीमा एक एक जना मृत फेला

काठमाडौं
११ कात्तिक । राजधानीको टोखा र बिजेश्वरीमा एक एक जना मृत अवस्थामा फेला परेका छन् ।
प्रहरीका अनुसार काठमाडौंको टोखा नगरपालिका ३ सूर्यदर्शन हाईट बस्ने नुवाकोट बिदुर नगरपालिका ९ घर भएका ४९ वर्षीय दिपक खड्का आफ्नै घरमा शुक्रबार मृत अवस्थामा फेला परेका छन् ।
यसैगरी काठमाडौं महानगरपालिका १५ बिजेश्वरी डेरा गरी बस्ने दोलखा वैतेश्वरी गाउँपालिका १ घर भएका ३० वर्षीय अरूण लामा आफ्नै कोठामा शनिबार मृत अवस्थामा फेला परेका छन् ।
घटनाहरुका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।