लामीटारमा मोटरसाइकल दुर्घटना, एक जनाको निधन

१२ असोज । मकवानपुर बाग्मती गाउँपालिका वडा नम्बर–७ लामीटारमा मोटरसाइकल दुर्घटना हुँदा एक जनाको ज्यान गएको छ ।
मदन भण्डारी लोकमार्ग अन्तर्गत झुरझुरेबाट हेटौँडा जाँदै गरेको ना ३० प ३४८१ नम्बरको मोटरसाइकल अनियन्त्रित भइ बिजुलीको पोलमा ठोक्किएको हो ।
दुर्घटनामा मोटरसाइकलका चालक बाग्मती गाउँपालिका वडा नम्बर–६ ठाडीखोला बस्ने २२ वर्षीय सन्तोष दर्लामीको ज्यान गएको छ । उनको उपचारका क्रममा काठमाडांको न्युरो अस्पतालमा ज्यान गएको जिल्ला प्रहरी कार्यालय मकवानपुरले जनाएको छ।
घाइते भएका २२ वर्षीय प्रदीप लोप्चन उपचारपछि घर फर्किएका छन् ।