राष्ट्र संघका महासचिव गुटेरेस पाटन दरबार क्षेत्रमा

१२ कात्तिक । संयुक्त राष्ट्र संघका महासचिव एन्टोनियो गुटेरेसले ललितपुरमा रहेको पाटन दरबार क्षेत्रको अवलोकन गरेका छन् ।
महासचिव गुटेरेसले आज आइतवार पाटन दरबार क्षेत्रको अवलोकन गरेका हुन् । महासचिव गुटेरेसलाई ललितपुर महानगरपालिकाका मेयर चिरीबाबु महर्जनलगायतले पाटन दरबार क्षेत्रको ऐतिहासिक एवम् पुरातात्त्विक महत्त्वका सम्पदाबारे जानकारी दिएका थिए । महासचिव गुटेरेस पाटन दरबार क्षेत्रमा पुग्दा धिमे बाजा र परम्परागत नृत्य प्रस्तुत गरिएको थियो ।