काठमाडौंको नागार्जुनमा कौडा खेल्ने २२ जना पक्राउ

काठमाडौं

२७ कात्तिक । काठमाडौंको नागार्जुनमा कौडा खेल्ने २२ जना पक्राउ परेका छन् ।

प्रहरीका अनुसार काठमाडौं नागार्जुन नगरपालिका ३ एकधारा बस्ने केशव अधिकारीको घरमा कौडा खेलिरहेको अवस्थामा सोही नगरपालिका ८ बस्ने ४० वर्षीय श्याम बाबु तामाङ समेत २२ जनालाई आइतबार राति प्रहरीले पक्राउ गरेको हो ।
प्रहरी वृत्त स्वयम्भूबाट खटिएको प्रहरीले उनीहरूलाई नगद ४ लाख ९२ हजार ५ सय ५० रूपैयाँ र कौडा १६ थानसहित पक्राउ गरेको हो ।
प्रहरीले नीजहरुलाई कारवाही प्रकृया सुरु गरेको जानकारी दिएको छ ।