२८ कात्तिक । काभ्रेपलाञ्चोक चौरीदेउरालीमा मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् ।
प्रहरीका अनुसार काभ्रेपलाञ्चोक चौरीदेउराली गाउँपालिका ६ बोक्से काभ्रेबगरमा बा.३४ प ८४५२ नम्बरको मोटरसाइकल अनियन्त्रित भई सडकबाट करिब ८० मिटर तल पाखामा खसेपछि दुर्घटना भएको हो ।
सोमबार दिउँसो दुर्घटनामा मोटरसाइकल सवार सोही ठाउँ बस्ने ४५ वर्षीया गोमा चौलागाईको घटनास्थलमै मृत्यु भएको छ ।
दुर्घटनामा घाइते भएका मोटरसाइकल चालक गोमाकै श्रीमान ४८ वर्षीय दिल्ली प्रदाद चौलागाईलाई उपचारका लागि ट्रमा सेन्टर काठमाडौं पठाइएको छ ।
प्रतिक्रिया