‘समलिंगी विवाह’ दर्ता गर्ने नेपालमै पहिलो बन्यो दोर्दी गाउँपालिका

१३ मंसिर । लमजुङको दोर्दी गाउँपालिका समलिंगी विवाह दर्ता गर्ने नेपालकै पहिलो पालिका बनेको छ। समलिंगी विवाह गरेका दोर्दी गाउँपालिका– २ का रामबहादुर गुरुङ (मायाँ) र नवलपरासीको कावासोती नगरपालिका–८ का सुरेन्द्र पाण्डेको बुधबार गाउँपालिकाले विवाह दर्ता गरेको हो।

उनीहरुको बुधबार गाउँपालिकामै समलिंगीको विवाह दर्ता भएको गाउँपालिकाका अध्यक्ष युवराज अधिकारीले बताए । गाउँपालिकाले विवाह दर्ता गर्न नमानेपछि उनीहरुले राष्ट्रिय परिचयपत्र तथा पञ्जीकरण विभागमा उजुरी गरेका थिए । विभागले सर्वोच्च अदालतको आदेश अनुसार अस्थायी अभिलेख रहने गरी विवाह दर्ता गर्न निर्देशन दिएको थियो ।