बालकुमारी घटनाः थप एक जनाको मृत्यु, मृतकको संख्या दुई पुग्यो

१३ पुस । रोजगार अनुमति प्रणाली (ईपीएस) परीक्षा दिन नपाएपछि युवाले ललितपुरको बालकुमारीमा गरेको प्रदर्शनका क्रममा भएको झडपमा अर्का युवकको पनि मृत्यु भएको छ । पाटन अस्पतालमा उपचाररत वीरेन्द्र शाहको मृत्यु भएको प्रहरीले जानकारी दिएको छ ।
यसअघि झडपका क्रममा २३ वर्षीय सुजन राउतको मृत्यु भएको थियो । किस्ट अस्पतालमा उपचारका क्रममा उनको मृत्यु भएको थियो ।
यसअघि प्रहरीले राउतको गोली लागेर मृत्यु भएको बताए पनि अस्पतालले जाँच गर्दा गोली लागेको नदेखिएको बताएको छ ।