गोदावरी नगरका मेयर गजेन्द्र महर्जन सरकारी गाडी चढेर परिवारसहित पुगे पञ्चकोट

ललितखबर
१७ फागुन । गोदावरी नगरपालिकाका मेयर गजेन्द्र महर्जन आफ्नी श्रीमती सहित सरकारी गाडी चढेर वाग्लुङस्थित पञ्चकोटमा आयोजित धार्मिक कार्यक्रममा पुगेर फर्केको रहस्य खुलेको छ ।
युट्युवमा सार्वजनिक भिडियोमा मेयर महर्जन दम्पती प्रदेश ३ ०१ ००२ झ ४९६३ नम्बर भएको मेयरको गाडी र बा २ झ ३४३३ नम्बरको गाडी उपमेयर मुना अधिकारीले प्रयोग  गर्ने गाडी चढेर पञ्चकोट शयेर गरेको भिडियो सार्वजनिक भएको हो । भिडियोमा उपमेयर मुना अधिकारी भने देखिएकी छैनन् ।
भिडियोमा महर्जनले आफू दुई दिनको कार्यक्रम बनाएर पञ्चकोट आएको संवादमा सुन्न सकिन्छ । सरकारी कामकाज भए त केही होला नि त भन्ने प्रश्नमा मेयर महर्जनले हातको इशारामा केही छैन भन्दै गाढीको शिशा लगाएका छन् ।
इलाका खबरको युट्युव च्यानलमा सार्वजनिक भिडियोमा पत्रकार सज्जनकुमार सिंहले गजेन्द्र महर्जनसँग कुराकानी गरेका थिए । भिडियोमा उपमेयरको गाडीमा मेयरकी श्रीमती चढेहेको  देखिन्छ । उनले उपमेयर मुना अधिकारी विरामी भएर नआएको भनेर ढाँटेकी छिन् । उपमेयर महर्जन भने आफू कार्यक्रममा सहभागी भइरहेको र विरामी नभएको जानकारी दिइन् । मेयर महर्जनलाई आवश्यक परेकोले नगरको गाडी भएकाले दिएको अधिकारी बताउछिन् ।
वाग्लुङ, म्याग्दी र पर्वतको संगमस्थल मालढुंगामा  दुई वटा गाडी रोकेर ट्राफिक प्रहरीले रोकेर जाँच गरेको थियो ।
मालढुंगामा रिपोर्टिङ  गर्न पगेका पत्रकार सिंहले   सोधपुछ गरेका थिए । भिडियोमा मेयर महर्जनले गोदावरी नगरमा ५ हजार ५ सय ५५ केजीको घण्टा निर्माण गरेको र त्यसको अवलोकन गर्न आएको बताएका छन् ।
भिडियो खिचिरहेको अवस्थामा मेयर महर्जन रिसाइरहेको देख्न सकिन्छ ।
भष्ट्राचारविरुद्ध नागरिक निगरानी संस्थाका उपाध्यक्ष एकबहादुर केसी संगमले मेयर महर्जनको अभिव्यक्तिले लज्जित बनाएको बताएका छन् । उनले भने,‘गोदावरी नगरपालिकाबासीले दिएको भोटको दुरुपयोग भएको छ । यो गाडी आज गोदावरी नगरपालिकामा हुनु पथ्र्यो । पञ्चकोटमा होइन ।’
पञ्चकोटमा कमलनयनाचार्यले महायज्ञ लगाएका थिए । सो महायज्ञमा गोदावरी नगरको १३ नम्बर वडा झरुवाराशीस्थित लोकप्रिय हस्तकला उद्योगमा ५ हजार ५ सय ५५ घण्टा निर्माण गरिएको थियो ।
हस्तकलाका प्रमुख लोक ढकालले घण्टाको भुक्तानी नगरपालिकाबाट नलिएको ललितखबरलाई जानकारी दिए । उनले भने, ‘नगरपालिकाले नै दान गरेको पनि हुनसक्छ ।’

घटनाका सम्बन्धमा थप जानकारी लिन पटक पटक टेलिफोन सम्पर्क गर्न खोज्दा सम्पर्क हुन सकेन ।
काठमाडौं महानगरका मेयर वालेन शाहले विरामी श्रीमती अस्पताल उपचार गराउन लैजादा प्रहरीले रोकेपछि लामो विवाद भएको थियो ।

हेर्नुस् भिडियो :