हनुमन्ते खोलामा स्कुटीसहित एक पुरुष मृत फेला

२१ फागुन । भक्तपुर मध्यपुर ठिमी नगरपालिका ९ राधेराधेस्थित हनुमन्ते खोलामा एकजना पुरुष स्कुटीसहित मृत अवस्थामा फेला परेका छन्। इलामको इलाम नगरपालिका ३ घर भई काठमाडौं कोटेश्वर तीनकुने बस्ने छत्र थापा मृत अवस्थामा फेला परेको प्रहरीले जनाएको छ।

खोलाको बीचमा बा. ८६ प. ९७३० नम्बरको स्कुटीसहित उत्तानो अवस्थामा मृत फेला परेको जिल्ला प्रहरीपरिसर भक्तपुरले जनाएको छ। खबर प्राप्त हुनसाथ प्रहरी वृत्त ठिमी भक्तपुरबाट अनुसन्धान अधिकृतसहितको टोली खटिएको परिसरका सूचना अधिकृत वसन्त पाठकले बताए।