ललितपुर भैँसेपाटी जंगलमा मृत भेटिएका युवकको सनाखत

२९ फागुन । ललितपुर भैँसेपाटी जंगलमा फेला परेको युवकको शवको सनाखत भएको छ। मंगलबार बिहान ललितपुर महानगरपालिका- २५ भैँसेपाटीस्थित सल्लाघारी जंगलमा प्रहरीले एक युवकको शव फेला पारेको थियो।

उक्त शव ललितपुर महानगरपालिका- १८ का ३२ वर्षीय ईश्वर गिरीको भएको प्रहरी परिसर ललितपुरका एसपी नरेशराज सुवेदीले जानकारी दिए।
गिरी हराएपछि परिवारका सदस्यले उनको खोजीको लागि प्रहरीलाई उजुरी गरेका थिए।

मृतकको शरीरमा कतै चोटपटक नदेखिएको प्रहरीले जनाएको छ। उनी लागू औषध प्रयोगकर्ता भएको आशंका प्रहरीले गरेको छ।