९ चैत । पार्टी अध्यक्ष केपी शर्मा ओलीले नेकपा एमाले समाजवादी मोर्चामा सहभागी नहुने बताएका छन् । शुक्रबार प्रधानमन्त्री पुष्पकमल दाहाल ‘प्रचण्ड’सँगको भेटपछि अध्यक्ष ओलीले पार्टी समाजवादी मोर्चामा सहभागी नहुने बताए ।
भेटघाटपछि सञ्चारकर्मीले सोधेको प्रश्नमा उनले एमाले समाजवादी मोर्चामा सहभागी नहुने स्पष्ट पारे । एमाले समाजवादी मोर्चामा सहभागी हुने हो भनी सोधिएको प्रश्नमा उनले भने, ‘होइन ।’
अध्यक्ष ओलीले प्रधानमन्त्री प्रचण्डसँग समसामयिक विषयमा राम्रो कुराकानी भएको बताए । यसअघि शुक्रबार बिहान बसेको समाजवादी मोर्चाको बैठकले एमालेलाई मोर्चामा सहभागी गराउन अध्यक्ष ओलीसँग छलफल गर्ने निर्णय गरेको थियो ।
प्रतिक्रिया