१ बैशाख २०८१, शनिबार | Sat Apr 13 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

मनोरन्जन


नेपालसँगै अस्ट्रेलिया र अमेरिकामा एकसाथ प्रदर्शन हुँदै चलचित्र ‘डिग्री माइला’



२० चैत । नेपाली चलचित्र ‘डिग्री माइला’ नेपालसँगै अस्ट्रेलिया र अमेरिकामा एकसाथ प्रदर्शन हुने भएको छ। यो चलचित्र चैत ३० अर्थात् अप्रिल १२ मा प्रदर्शन हुँदैछ। दयाहाङ राई र आँचल शर्मा स्टारर यो चलचित्र यी दुई देशसहित सेभेन सिजले अन्तर्राष्ट्रिय वितरण गर्दैछ। अस्ट्रेलियाका प्रमुख सहरहरू सिड्नी, व्रिजबेन, क्यानबेरा, एडिलेट, होबर्ट, डर्विन, मेर्लवर्न, पर्थ तथा लउनसेस्टनमा र अमेरिकाका ४० बढि शहरमा प्रदर्शन हुँदैछ।
रामबाबु गुरुङ निर्देशित यो चलचित्रले ट्रेलर रिलिज भएयता आफ्नो चर्चालाई चुलाएको छ। ट्रेलरमा फिचर भएका दयाको डिग्री माइला चरित्रको स्वभावगत शैलीले दर्शकहरूलाई आफूतिर आकर्षित गरिरहेको छ। यसमा आँचल शर्मा दयाको जोडी बनेकी छन्। चलचित्रमा उनीहरूको अन्तरजातीय प्रेम हेर्न सकिनेछ।

उनीहरूका अलावा सिनेमामा विजय बराल, बुद्धि तामाङ, प्रकाश घिमिरे, माओत्से गुरुङ आदिको प्रमुख भूमिका रहेको छ । सिनेमालाई यस वर्ष ब्लकबस्टर व्यापार गर्न सक्ने सिनेमाको सूचिमा राखिएको छ । बाँसुरी फिल्मस्को ब्यानरमा निर्माण भएको यो सिनेमाले मास्टर डिग्री पास गरेका एक शैक्षिक बेरोजगारको कथा पेस गर्छ ।

बाँसुरी फिल्मस्ले कबड्डी फिल्मस् तथा सुस्मा फिल्मस्सँग मिलेर निर्माण गरेको यस चलचित्रका निर्माताहरू विशाल गुरुङ, मणिराम पोखरेल, मधु मिजार तथा सुष्मा गुरुङ हुन्। कार्यकारी निर्माता कृश लामा हुन्। निमेष श्रेष्ठको सम्पादन तथा रोहित शाक्यको ब्याकग्राउण्ड म्युजिक रहेको छ ।

प्रकाशित मिति : २० चैत्र २०८०, मंगलबार  ३ : ४१ बजे