ललितपुरको नख्खु दोबाटोमा बसले ठक्कर दिएपछि स्कुटर चालक युुवतीको मृत्यु

३१ वैशाख । ललितपुरको नख्खु दोबाटोमा बसले ठक्कर दिएपछि स्कुटर चालक युुवतीको मृत्यु भएको छ ।
ललितपुर प्रहरीका अनुसार आज सोमबार दिउँसो १२ बजे ललितपुर महानगरपालिका ४ नख्खु दोबाटोमा बा ४ ख १०४ नम्बरको बसले प्रदेश १–०२–०५१ प ३८५० नम्बरको स्कुटरलाई ठक्कर दिएको थियो ।
जिल्ला प्रहरी परिसर ललितपुरका एसपी नरेशराज सुवेदीका अनुसार दुर्घटनाका क्रममा भक्तपुर बोडे बस्ने ४६ वर्षीया सविता थापाको मृत्यु भएको हो ।
बसको ठक्करबाट राइड शेयरिङका स्कुटर चालक महालक्ष्मी नगरपालिका वडा नम्बर ९ लामाटार बस्ने ४५ वर्षीय भोपाल अधिकारी र भक्तपुर बोडे बस्ने ४६ वर्षीया सविता थापा घाइते भएकी थिइन् ।

उनीहरूलाई उपचारको लागि अल्का अस्पताल लगिएकोमा उपचारको क्रममा सविताको मृत्यु भएको हो।
बस र चालकलाई नियन्त्रणमा लिएर अनुसन्धान अघि बढाएको प्रहरीको भनाई छ ।