१७ जेठ । मकवानपुरको भीमफेदी–कुलेखानी–काठमाडौँ सडकखण्डअन्तर्गत भीमफेदी गाउँपालिका–६ जुरिखेतमा कार दुर्घटना मृत्यु हुनेको संख्या ३ पुगेको छ।
काठमाडौंबाट हेटौंडातर्फ आउँदै गरेको बा६च ९३७९ नम्बरको कार बुधबार अनियन्त्रित भई दुर्घटना हुँदा एक बालिकासहित तीन जनाको मृत्यु भएको हो।दुर्घटनामा परी अन्य दुईजना घाइते भएका छन्।
दुर्घटनामा कारका चालक काठमाडौं चन्द्रगिरि नगरपालिका–१ दहचोक बस्ने ६१ वर्षीय सानु परियार, मकवानपुरको मनहरी गाउँपालिका–८ स्थित बेलुवाका २५ वर्षीय अर्जुन नेपाली र उनका तीनमहिने छोरी अजिताको मृत्यु भएको प्रहरीले जनाएको छ।
दुर्घटनामा परी घाइते भएका मनहरी गाउँपालिका–८ स्थित बेलुवाकी २३ वर्षीया सरिता परियार र चितवनको राप्ती नगरपालिका–१ स्थित लोथरकी ३५ वर्षीया सानोकान्छी तामाङको मकवानपुरस्थित सहकारी अस्पतालमा उपचार भइरहेको छ।
कार सडकबाट करिब दुई सय ५० मिटर तल खोल्सामा खस्दा दुर्घटना भएको प्रहरीले जनाएको छ।
प्रतिक्रिया