नयाँ बजारमा लाखौँको चोरी

२३ असार । काठमाडौँ महानगरपालिका-१६ नयाँ बजारमा शनिबार दिउँसो चोरी भएको छ । त्यहाँ डेरा गरी बस्ने सोलुखुम्बु लिखुपिके गाउँपालिका-१ घर भएका ५१ वर्षीय दावा शेर्पाको कोठामा चोरी भएको हो ।
कोठामा कोही नभएको अवस्थामा ढोकाको ताल्चा फोडेर सुनका विभिन्न गरगहना, नगद तथा जिन्सी सामानहरू चोरी भएको प्रहरीको भनाई छ । प्रहरीका अनुसार करिब ११ लाख ६९ हजार ८ सय ८० रुपैयाँ बराबरको धनमाल शनिबार दिउँसो चोरी भएको छ ।