पनौतीमा मोटरसाइकल चालकको शव फेला

१ साउन । काभ्रेको पनौतीमा सडकबाट खोलामा खसेको अवस्थामा मोटरसाइकल चालकको शव फेला परेको छ । सोमबार पनौती नगरपालिका- ५ पुन्यमाता खोलामा मोटरसाइकल दुर्घटनामा मृत्यु भएको अवस्थामा २४ वर्षीय युवकको शव फेला परेको हो ।

शव काभ्रेकै नमोबुद्ध नगरपालिका- १ घर भएका २४ वर्षीय दिपेन्द्र खड्काको भएको जिल्ला प्रहरी कार्यालय काभ्रेका डीएसपी राजकुमार श्रेष्ठले जानकारी दिएका छन् । बनेपाबाट पनौतीतर्फ जाँदै गरेको प्र. ३-०२-००७ प ५४११ नम्बरको मोटरसाइकल दुर्घटना हुँदा त्यसमा सवार खड्काको मृत्यु भएको प्रहरीले जनाएको छ ।

सडकबाट करिब ६ मिटर तल खसेको अवस्थामा मोटरसाइकलसँगै युवकको शव फेला परेको हो । शव पोस्टमार्टमका लागि प्रहरीले अस्पताल लगेको छ ।