काभ्रेमा ढलमा छिरेर बेपत्ता भएकी महिलाको शव भेटियो

२२ साउन । काभ्रेमा ढलमा छिरेर बेपत्ता भएकी एक महिलाको शव भेटिएको छ।

आज बिहान पौने ११ बजे धुलिखेल नगरपालिका ५ श्रीखण्डपुरमा रहेको ढलको मकलमा छिरेर बेपत्ता भएकी रामेछाप खाडादेवी गाउँपालिका -३ की ५० वर्षीया भगवती भागदासको शव फेला परेको हो।

उनी काभ्रेको पनौति नगरपालिका ५ नैकिनटार बस्दै आएकी थिइन्। उनी ढलको मकलमा छिर्दा बगाएको जिल्ला प्रहरी कार्यालय काभ्रेले जनाएको छ। उनी बगेको ठाउँभन्दा करिब तीनसय मिटर तल मृत फेला परेकी हुन्।